«Kosmos gözeli» halkara bäsleşiginiň 2021-nji ýyldaky ýeňijisi hindistanly 21 ýaly Harnaaz Sandhu boldy. Ol dünýäniň 79 döwletinden gelen bäsdeşlerinden üstün çykmagy başardy diýip, Lenta.ru habar berýär.
«Kosmos gözeli» bäsleşiginiň bu ýylky ýeňijisi 17 ýaşyndan bäri gözellik bäsleşiklerine gatnaşyp gelýär. Şu ýylyň sentýabr aýynda bolsa, ol «Hindistan gözeli» adyna mynasyp boldy.
Sandhu Hindistanyň demirgazygyndaky Çandigarh şäherinde önüp-ösdi. Ol nahar bişirmegi gowy görýär, at münmegi, ýoga maşklaryny ýerine ýetirmegi, tansy we şahmat oýnamagy halaýar. Sandhu çeper filmlerde hem köp surata düşýär. Onuň söýgüli şygary: «Bir gün siziň bütin durmuşyňyz göz öňüňizden geçýär. Bu tomaşa edeniňe degýär».
Taryhda hindi zenanlary «Kosmos gözeli» adyna bary-ýogy iki gezek mynasyp bolupdyrlar. Ilkinji gezek 1994-nji ýylda Suşmita Sen, 2000-nji ýylda bolsa Lara Datt bu ýokary adyň eýesi boldular.
TürkmenGazet.
