Gündelik fiziki maşklar saglygy berkidýär. Maşklarynyň esasy maksady günüň dowamynda adamyň özüni işjeň ýagdaýda saklamak üçin kesgitlenen hereketleri ýerine ýetirip, bedenini dürli kesellerden goramagy gazanmakdan, nerw ulgamyny berkitmekden ybaratdyr.
Şoňa görä-de, her bir ukyply adama, ýaşyna, jynsyna, çekýän zähmetine we geçiren kesellerine garamazdan, sagaldyş maşklaryny ýerine ýetirmek maslahat berilýär. Sagaldyş maşklaryna, ilkinji nobatda, irden ýerine ýetirilýän maşklar degişlidir. Olaryň hasabyna beden uky ýagdaýyndan oýa ýagdaýyna çalt geçýär. Bedenterbiýe maşklary gan aýlanyşygyny güýçlendirýär, dem alşy kadalaşdyrýar, madda çalşygyny ýokarlandyrýar.
Gahryman Arkadagymyzyň: «Adamyň ömrüniň ähli döwürlerinde hereketde bolmagy saglyga oňaýly täsir edýär» diýen sözlerinden ugur alnyp, ýurdumyzda her bir adamyň berk bedenli, ruhy taýdan sagdyn bolmagyny gazanmak, sporty we bedenterbiýäni ählihalk islegine öwürmek, hemmetaraplaýyn sagdyn jemgyýeti kemala getirmek ugrunda yzygiderli işler alnyp barylýar.
Hormatly Prezidentimiziň sagdyn durmuş ýörelgesini ähli zatdan ileri tutup, durmuşa ornaşdyrýan beýik işlerinde rowaçlyklary arzuw edýäris.
Merjen ÝAZMETOWA,
Türkmen oba hojalyk institutynyň Weterinar lukmançylygy fakultetiniň weterinar lukmançylygy hünäriniň 2-nji ýyl talyby.
