Berkarar döwletiň täze eýýamynyň Galkynyşy döwründe ýaş nesilleriň milli terbiýeli, sagdyn bedenli we ruhly, ösen aň-düşünjeli, döwrebap sowatly keşbini kemala getirmek ugrundaky aladalar giň gerimde durmuşa geçirilýär.
Garaşsyz Türkmenistanyň altyn geljegi hasaplanylýan bagtyýar nesillere bilim-terbiýe bermek işi mekdebe çenli çagalar edaralarynda maksatnamalaýyn esasda alnyp barylýar.
Sowat öwretmek, dil bilimi boýunça ýörite sapaklary guramak körpeleriň mekdebe ykjam taýýarlygyny üpjün etmäge ýardam edýär. Ýurdumyzyň bilim ulgamynyň işini kämilleşdirmekde, bilim edaralarynyň maddy-enjamlaýyn binýadyny gowulandyrmakda, çagalary okatmakda häzirkizaman usullaryndan peýdalanmakda çagalar baglaryndaky interaktiw tagtalardan, kompýuterlerden peýdalanmagyň ähmiýeti diýseň uludyr. Döwrebap enjamlaşdyrylan otaglar we kämil tehnologiýalaryň elýeterli bolmagy körpeleriň dünýägaraýşynyň giň, gözýetiminiň çuň bolmagyna getirýär. Şol sanda çagalar baglarynda okatmagyň usullarynyň we serişdeleriniň kämilleşdirilmegi öz gezeginde çaganyň aňynyň ösüşini we pikirleniş endigini ösdürýär.
Berkarar döwletiň täze eýýamynyň Galkynyşy döwründe ýaş nesle ýokary mümkinçiliklerden peýdalanyp sowat öwretmäge, milli ruhda terbiýe bermäge uly mümkinçilikleri döredip berýän Gahryman Arkadagymyza hem-de Arkadagly Gahryman Serdarymyza egsilmez alkyşlar aýdýarys.
Jennet ALLAÝAROWA,
Daşoguz şäheriniň 22-nji çagalar bagynyň terbiýeçisi.
