HabarlarSliderŽurnalistiň sahypasy

Halkara parahatçylyk we ynanyşmak forumy üçin ýörite web sahypa açyldy

www.neutrality.gov.tm

04-04-2025 / 70
Türkmenistan 2025-nji ýylyň 12-nji dekabrynda Aşgabatda geçiriljek ýokary derejeli Halkara parahatçylyk we ynanyşmak forumy üçin ýörite web sahypasyny açdy. Türkmen, iňlis we rus dillerinde bolan köp dilli web sahypasy forum barada, şeýle hem Türkmenistanyň daşary syýasaty, ösüş strategiýasy we bilim, saglygy goraýyş, ylym ýaly dürli ugurlarda gazanan üstünlikleri barada giňişleýin maglumatlary berýär.
Web sahypasyna girýänler (www.neutrality.gov.tm) onlaýn anketa tabşyrmak arkaly foruma hasaba alnyp bilerler. Mundan başga-da, platformada täzelikler, halkara gatnaşyklarynda Türkmenistanyň möhüm wakalaryny görkezýän surat galereýasy we neşirleriň arhiwi bar.
Bu abraýly halkara çäre üçin sanly merkez hökmünde hyzmat edýän web sahypasy, diňe bir forumyň guralyşyny goldamak bilen çäklenmän, eýsem, halkara derejede hem-de dünýä arenasynda parahatçylygyň we bitaraplygyň tarapdary hökmünde Türkmenistanyň abraýyny ýokarlandyrýar diýlip, habarda bellenilýär.

Ünsüňizi çekip biler

Başa dön tuşu