Magtymguly — halkyň öçmez çyragy

Ýokary ruhubelentlik bilen gadam basan 2024-nji ýylyň “Pähim-paýhas ummany Magtymguly Pyragy” ýyly diýlip atlandyrylmagy il-günümiziň kalbyny heýjana getirip, buýsanç duýgularyny peşgeş berdi. 

Akyl­dar şa­hy­ry­myz Mag­tym­gu­ly Py­ra­gy­nyň dog­lan gü­nü­niň 300 ýyl­ly­gy my­na­sy­bet­li Gahryman Arkadagymyzyň ýi­ti ze­hi­nin­den, jöw­her paý­ha­syn­dan dö­rän «Pä­him-paý­has um­ma­ny Mag­tym­gu­ly Py­ra­gy» goş­gu­syn­dan ugur alyp, Türk­me­nis­ta­nyň Halk Mas­la­ha­ty­nyň we­kil­le­rin­den, ýur­du­my­zyň iri jem­gy­ýet­çi­lik bir­le­şik­le­rin­den, zäh­met to­par­la­ryn­dan we ra­ýat­la­ry­myz­dan ge­lip gow­şan tek­lip­ler göz öňün­de tu­tu­lyp, Tä­ze – 2024-nji ýyl ýur­du­myz­da «Pä­him-paý­has um­ma­ny Mag­tym­gu­ly Py­ra­gy» ýy­ly diý­lip yg­lan edil­di.

Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de akyl­dar şa­hy­ry­myz Mag­tym­gu­ly Py­ra­ga go­ýul­ýan hor­mat-sar­pa diý­seň ýo­ka­ry. «Pä­him-paý­has um­ma­ny Mag­tym­gu­ly Py­ra­gy» ýy­lyn­da Mag­tym­gu­ly Py­ra­gy­nyň dog­lan gü­nü­niň 300 ýyl­ly­gy­nyň toý­la­nyl­jak­dy­gy hem mu­ňa şa­ýat­lyk ed­ýär. Bu ýy­lyň tu­tuş tür­ki dün­ýä­sin­de hem «Tür­ki dün­ýä­niň be­ýik şa­hy­ry we akyl­da­ry Mag­tym­gu­ly Py­ra­gy ýy­ly» şy­ga­ry as­tyn­da geç­jek­di­gi­ni bel­le­mek ge­rek.

Şanly hem şatlykly günlere beslenip, halkymyzyň kalbyny buýsanç şuglasy bilen ganatlandyran Arkadag Serdarly bagtyýar ýaşlar ýylynda ýurdumyzda ähli babatda ägirt uly üstünlikler gazanyldy, halkara hyzmatdaşlygynda belent sepgitlere ýetildi. Hut geçen ýylda Magtymguly Pyragynyň golýazmalar toplumynyň BMG-niň Bilim, ylym we medeniýet meseleleri boýunça guramasynyň «Dünýäniň hakydasy» maksatnamasynyň halkara sanawyna hem-de Magtymguly Pyragynyň 300 ýyllygynyň 2024-2025-nji ýyllarda ÝUNESKO bilen bilelikde bellenilip geçiljek şanly seneleriň sanawyna girizilmegi nusgawy şahyrymyzyň döredijiliginiň dünýä derejesinde ykrar edilýändiginiň, şonuň bilen birlikde-de, dünýäniň medeni ösüşine ýurdumyzyň goşýan beýik goşandynyň subutnamasydyr.

Hezret ÖWEZGELDIÝEW,
TOHI-niň Weterinar lukmançylygy fakultetiniň Ykdysadyýet we dolandyryş taýýarlyk ugrunyň 3-nji ýyl talyby.