Hiç hili güman ýok, tebigy gyzgynlyk adam oglunyň teninden az-azdan bölünip çykýandyr. Hereketler süňňümizdäki zyýanly buglaryň bedenden daşary çykmagyna getirýär. Beden agzalaryny sazlaşdyrýar, bedene medet berýär we onuň güýç-gurbatyny dikeldýär.
Bedeniň öz tebigy ýylylygy bar, emma beden agzalarynyň hereketi hem şol ýylylygyň oýanmagyna getirýär. Bu herekete türgenleşik diýilýär. Bedeniň tebigy güýç-gurbatyny, ruhuň joşgunlylygyny we gaýratyny öz derejesinde saklamak – saglygy gorap saklamagyň we berkitmegiň girewidir. Herekete sarp edilen güýjüň öwezini biz ýene hereket – maşk bilen dolup bilýäris. Iýmitiň siňmesi iýmite we ýagdaýa görä dürli-dürli bolýar.
Beden terbiýesi, türgenleşik süňňümizdäki tebigy ýylylygy zyýada edýär. Her gün bedende galan artykmaçlaryň doly siňmegini ýa-da daşyna çykmagyny ýeňilleşdirýär. Her kim ýagdaýyna, güýç-gurbatyna görä başarýan maşklaryny ýerine ýetirmeli. Ata münmek ynsan saglygyna örän peýdalydyr.
Ýeňiş TOÝLYÝEW,
Türkmenistanyň Döwlet energetika institutynyň 1-nji ýyl talyby.
