- ABŞ-nyň Oregon ştatynda dag eteklerinde ösýän bal kömelekleri ortaça 4 km uzynlyga uzaýan meýdany eýeleýär. Ol kömelekleriň ýaşy hem 1900 ýyl töweregi diýlip çaklanylýar.
- Dünýäde iň gymmat kömelek – trýufel kömelegidir.
- Çernobyl heläkçiliginde aman galan janly bedenler hem kömeleklerdir.
- Pilobolus atly kömeleginiň sporalary örän çalt ýaýraýanlygy bilen tapawutlanýar, ýagny ol sekuntda 25 metr tizlik bilen daş-töwerege ýaýraýar.
- Kömelekler sporalary arkaly köpelýär. Sporalar kömelegiň telpejiginde ýerleşýär. Sporalary ýetişenden soň onuň düzüminden suw bölünip çykýar we ol suw kömelegi sowadýar.
- Adaty weselka kömelekleri iň çalt ösýän kömelekler bolup, bary-ýogy birnäçe minutda 1 sm ösýär.
- Kömelegiň beýleki ösümliklerden tapawutlylykda tohumy bolmaýar.
- Olar ösümliklere-de, haýwanlara-da degişli bolman, aýratyn şalyk hasaplanýar. Kömelekleri mikologiýa ylmy öwrenýär.
- Iň uly kömelek ABŞ-da ýüze çykarylyp, onuň agramy 140 kg deň bolupdyr.
- Şweýsariýanyň milli seýilgähinde ýaşy 1000 ýyl töweregi bolan kömelek ösýär.
- Kömelekler hatda betonyň aşagyndan hem ösüp çykyp bilýär.
- Dünýä ýüzünde kömelekleriň 2 mln görnüşi bar diýlen çaklamalar bolup, olaryň 100 müňe golaý görnüşleri öwrenilendir.
- Örän zäherli kömelekleriň ýekeje bölegi hem adam üçin ölüm howpludyr.
- Kömelekleriň iň köp sanly görnüşi Taýga tokaýlygynda ösýär.
- Tebigatda käbir kömelekler garaňkyda şöhlelenmäge hem ukyply.
- Kömelekler iýilýän, iýilmeýän we zäherli görnüşde bolýar.
- Kömelekleriň käbir görnüşleri uly agaçlar bilen simbioz ýaşaýar.
- Dünýäniň köp ýurtlarynda iň köp iýilýän kömelek şampinýon kömelegidir.
Oguljeren HUDAÝNAZAROWA,
Türkmen oba hojalyk institutynyň talyby.
