Ak mermere bürendi obalary, şäheri,
Garaşsyz hem Bitarap meniň eziz Watanym.
«Ýaşlar — Watanyň daýanjy» — nesilleň ýan kitaby
Garaşsyz hem Bitarap meniň eziz Watanym.
«Döwlet adam üçindir!» — Watanymyň şygary,
Asly halal türkmeniň arkasynda Il Ogly.
Bu ajaýyp zamany arzuwlapdy Pyragy,
Garaşsyz hem Bitarap meniň eziz Watanym.
At çapdyryp, saz çalyp uludan tutýar toýun,
Göreş tutup ýykanyň serpaýy düýe, goýun.
Prezidentimiz goldaýar türkmeniň däp-dessuryn.
Garaşsyz hem Bitarap meniň eziz Watanym.
Hak mynasyp Prezident Beýik Gahryman ada,
Ösüşlere guwanýan göwün guşum asmanda.
Adyň dillerde dessan bu ajaýyp zamanda,
Garaşsyz hem Bitarap meniň eziz Watanym.
Aýna GURBANGELDIÝEWA,
«Türkmenhimiýa» döwlet konserniniň Türkmenabat şäherindäki tehniki orta hünär okuw mekdebiniň mugallymy.
