Dünýä meşhur aýdymçy Taýlor Swiftiň «Taýlor Swift: The Eras Tour» atly film-konserti Amerikanyň Birleşen Ştatlarynda ilkinji dynç günlerinde 100 million dollar girdeji gazanyp biler diýip, «gazeta.ru» habar berýär.
100 million dollar girdeji gazanyp biler diýip «AMC Theatre» -niň distribýutory çaklaýar. Ýöne kassa analitikleri filmiň umumy girdejisiniň 90-dan 110 million dollar aralygynda boljakdygyny aýdýarlar. Film-konsert ilkinji gününde 39 million dollar gazanmagy başardy. Şeýle hem ol «Jokerden» (39,4 million dollar) soň oktýabr aýynda çykarylan ikinji iň gowy girdejili film bolmagy başardy. Eger-de «The Eras Tour» «Jokerden» (96,2 million dollar) öňe geçse, Demirgazyk Amerikanyň taryhynda oktýabr aýynyň iň gowy ilkinji görkezilişe öwrülmäge mümkinçiliginiň bardygyny belleýärler.
Bu bolsa Swiftiň filminiň ähli döwürlerde iň köp girdeji gazanan film-konsert boljakdygynyň subutnamasydyr.
Narjan BALTAÝEWA,
TOHI-niň Agronomçylyk fakultetiniň Agronomçylyk hünäriniň 1-nji ýyl talyby.
