«Gazeta.ru»-nyň habar bermegine görä, «Barri» atly dinozawryň skeleti Pariždäki «Drouot» auksion öýünde auksiona çykarylyp, 930 müň ýewro satylypdyr.
Bu sklet 150 million ýyllyk dinozawryň skeletidir. Maglumatlara görä, 2000-nji ýyllarda Amerikanyň Birleşen Ştatlarynyň Waýoming ştatynda tapylan dinozawr skeletiniň kellesiniň we dişleriniň 90 göteriminiň bu günki güne çenli diýseň gowy saklanandygy aýdylýar.
Iki metr uzynlygyndaky dinozawra paleontolog Barri Jeýmsiň ady berilen. Bu adyň skelete berilmeginiň sebäbi bolsa onuň skeleti dikelden ilkinji adam hökmünde tanalmagy bolup durýar. Ýatlap geçsek, «Drouot» auksion öýünde ozal hem «Zephyr» atly 150 million ýyllyk dinozawryň skeleti takmynan 673 müň ýewro satylypdy.
Alp Arslan ATAÝEW,
TOHI-niň Weterinar lukmançylygy fakultetiniň Weterinar lukmançylygy hünäriniň 3-nji ýyl talyby.
