Ýurdumyzda ynsan saglygy ugrunda hormatly Prezidentimiziň taýsyz tagallalary netijesinde ägirt uly işler durmuşa geçirilýär. Milletiň saglygy, belent ruhly sagdyn nesliň kemala gelmegi üçin edilýän irginsiz aladalaryň hakykat ýüzüne geçýändigine gurlup, ulanylmaga berilýän häzirki döwrüň ösen talaplaryna, dünýä ülňülerine laýyk gelýän lukmançylyk enjamlary bilen üpjün edilen iri hassahanalardyr saglyk merkezleri, sypahalardyr saglyk öýleri aňryýany şaýatlyk edýär. Hut welaýatymyzda hem ýokary tehnologiýalay öňdebaryjy enjamlar bilen enjamlaşdyrylan birnäçe iri saglyk merkezleri we hassahanalar hereket edýär.
Obalardyr, etrap, şäher hassahanalarynda hormatly Prezidentimiziň saglygy goraýyş ulgamynda amala aşyrylýan düýpli özgertmeleriň many-mazmunyny ýaşlaryň, halk köpçüliginiň arasynda wagyz-nesihat işleri yzygiderli geçirilýär. Häzirki çylşyrymly döwürde koronawirus pandemiýasyna garşy göreşmekde welaýatda hem uly işler amala aşyrylýar. Halk köpçüliginiň arasynda arassaçylyk, şahsy gigiýena talaplary, agyz-burun örtüklerini ulanmak, her edarada ýokaç kesellere garşy göreşmekde ulanylýan serişdeleriňtalaba laýyk bolmaklygy barada yzygiderli wagyz-nesihat duşuşyklary geçirilýär.
Welaýatymyzdaky döwrebap hassahanalardyr merkezler, saglyk öýleri ildeşlerimize ýokary derejede hyzmat edýär. Lebap welaýat köpugurly hassahanasynda bolsa şeýle netijeli işleriň uly toplumy amala aşyrylýar. Bu ýerde diňe bir ildeşlerimiz däl, eýsem ýurdumyzyň çar künjünden, şol sanda daşary ýurtlardan gelen adamlar saglygyna seretdirýärler. Hassahana halka ösen derejede hyzmat etmek bilen täze operasiýalaryň hem ýola goýlandygy aýratyn bellärliklidir. Has dogrusy, bu guwandyryjy ýagdaý bolup, indi ildeşlerimiziň welaýatdan çykman bu ýerde saglygyny dikeltmäge doly mümkinçilik döredýär. Bu ýerde alnyp barylýan işler dogrusynda öwgüli sözleri eştmek bolsa diýseň guwandyryjydyr.
Welaýatyň beýleki merkezleriň hem mümkinçilikleri dünýä belli kompaniýalarynyň döwrebap lukmançylyk enjamlary bilen artdyryldy. Şeýle-de, bu ajaýyp ýylda welaýatyň saglygy goraýyş ulgamy hormatly Prezidentimiziň Şa serpaýyna hem mynasyp boldular. Welaýata gelip gowşan 10 sany «UAZ» kysymly tiz kömek ulagy bu günki esasanda çagalaryň saglygy ugrunda gije-gündiz hyzmatda. Ulaglar ulgamyň işlerini ep-esli ýeňilleşdirýär. Munuň üçin Gahryman Arkadagymyza ildeşlerimiziň hoşallyklary has-da artýar.
«Farap» şypahasy hem ýokary hilli hyzmatlaryny raýatlaryň saglygy ugrunda bagş edýär. Şypahananyň lukmanlary saglygyny bejertmäge we dynç almaga gelenlere ýokary derejede hyzmat edip, olaryň alkyşyna mynasyp bolýarlar. Şypahanada «Duzly gowak» (galoterapiýa) bejergisi ýola goýuldy. Şeýle-de mineral suw we buýan ekstraty bilen owkalamak (gidromassaž) geçirilýär. Bular bejergiler bu ýere gelen raýatlaryň birnäçe kesellerden saplanmagyna we dürli ýokanç kesellerden goranmagyna ýardam berýär.
Halkyň saglygy üçin şeýle bimöçber aladalary edýän Lukman Arkadagymyza, Arkadagly Serdarymyzya biziň hoşallygymyz tükeniksizdir. Goý, ynsan saglygyny ähli zatdan ileri tutýan Gahryman, Mähriban Arkadagymyzyň, hormatly Prezidentimiziň janlary sag bolsun! Halkymyzyň bagtyýarlygyna gönükdirilen mukaddes işleriňiz elmydama rowaçlyklara beslensin!
Bagdagül SATDYÝEWA,
Türkmenabadyň lukmançylyk orta okuw mekdebiniň mugallymy.
