11 aýyň soltany Remezan aýynyň gelmegi bilen, iýýän önümlerimizdir içýän suwlarymyzyň möhümliligi has-da artyp başlady. Çünki Remezan aýynda iýip-içýän önümlerimize üns bermesek, saglygymyza zyýan ýetirip bileris.
Agzaçardan soň, 4 sany erik kakyny (kişde) iýseňiz, bedeniňize zerur bolan A witaminiň 40 göterimini alyp bilersiňiz. Agzaçardan soňra guradylan erikleri iýmäge synanyşyň.
Erik kakynyň peýdaly häsiýetleri
Guradylan erikde immuniteti güýçlendirmek üçin zerur witaminler we minerallar bardyr. Agzaçardan soňra erik kakyny iýmek, bedenimizi we günüň dowamynda ýitiren witaminlerimizi dikeltmäge ýardam edýär. Gan basyşyny kadalaşdyrýar we ýokary gan basyşy peseldýär. Agzaçarda agyr iýmit iýen bolsaňyz, erikleriň kömegi bilen ony aňsatlyk bilen siňdirip bilersiňiz.
Deridäki näsazlyklar üçin peýdaly bolan erik kaky, günüň dowamynda suwsuz galan deri üçin örän möhümdir. Bagyrdan toksinleri çykarmaga ýardam edýär. Bedenimiziň iň möhüm böleklerinden biri bolan bagyry goramak, ýene-de erik kaklaryny iýmek arkaly bolýar.
Guradylan erikleriň ýokumlylygy
Bir erik kakynda 16 kaloriýa töweregi kaloriýa bar. Mundan başga-da, guradylan erikde 0,25 g belok bar. Bir täze erikde 18 kaloriýa bar. 100 gramda bolsa, takmynan, 55 kilokaloriýa bardyr.
«TürkmenGazet».
