Çagalaryň sözleýiş endiklerini ösdürmek üçin dürli sözleýiş çäreleri ulanylyp bilner. Sözleýiş endiklerini ösdürmek babatda göz öňüne tutulan düzgünler çagany beýleki çagalar, şeýle hem jemgyýetdäki adamlar bilen gürleşmäge we diňlemäge höweslendirmegi öz içine alýar.
Sözleýiş endiklerini ösdürmäge niýetlenen çäreler maglumat alyşmak, gürleşmegi ösdürmekden ybaratdyr. Sapak okamak ýa-da ýazmak endiklerini ösdürmäge gönükdirilen halatynda ol sözleyiş endiklerini ösdürmek üçin geçilýän derslere goşulmalydyr.
Sözleýiş endiklerini ösdürmäge niýetlenen çäreler işiň höwesini artdyrmak, özbaşdak oýlanyp bilmek, netijä gelmek, birek-birek bilen özara gatnaşyk saklamak, diňlemek, gürlemek ýaly häsiýetlere eýedir.
Sözleýiş endiklerini ösdürmäge niyetlenen çäreleri has netijeli guramak üçin şu ýagdaýlary işe girizmek möhümdir. Olar:
— amaly işiňi görkezmek;
— dürli usullar bilen düşündirmek;
— gaýtalamak arkaly duşündirmegi çuňlaşdyrmak;
— çagalaryň özbaşdak, ikibir-ikibir işlemegini ýola goýmak;
Çagalaryň başarnyklaryny ösdürmek mugallymyň wezipesi bolup duryar. Sözleýiş endiklerini ösdürmäge niýetlenen çäreleriň janly ýagdaýda, interaktiw we gyzykly guralmagy oňat netije gazanmagyň şertidir.
Şasenem ORAZDURDYÝEWA,
Daşoguz şäheriniň 32-nji çagalar bakja-bagynyň iňlis dili mugallymy.
