Düýn — 15-nji oktýabrda Türkmen döwlet bedenterbiýe we sport institutynyň Olimpiýa fakultetiniň köpugurly sport toplumynda Türkmenistanyň Sport we ýaşlar syýasaty, Bilim ministrlikleriniň bilelikde guramagynda geçirilýän «Türkmenistan — ruhubelentligiň we sagdynlygyň ýurdy» atly XII uniwersiadanyň açylyş dabarasy boldy.
Bu meşhur sport baýramyny guramak indi ýurdumyzda däbe öwrüldi. Uniwersiadanyň esasy maksady sportuň dürli ugurlarynda ukyply ýaşlary ýüze çykarmak, ýokary okuw mekdeplerinde sportuň Olimpiýa görnüşlerini ýaýbaňlandyrmak we ýaşlarymyzyň Bütindünýä uniwersiada ýaryşlaryna gatnaşyp, üstünlikli çykyş etmeklerini gazanmak bolup durýar. Bu ýaryşyň çäginde türgen talyplar sportuň dürli ugurlary boýunça öz ukyp-başarnyklaryny görkezerler.
«TürkmenGazet».
