Sukuba uniwersitetiniň alymlary kofede tapylan alkaloid ösümlik trigonelliniň (TG) laboratoriýa syçanlarynda ýadyň we giňişligiň öwrenilmegine nähili täsir edýändigini öwrendiler. Morrisiň suw labirinti synagynyň netijeleri beýniniň işiniň görkezijileriniň ep-esli gowulaşandygyny ýüze çykardy.
Synag syçanlary hapa suwly hammamda ýerleşdirmek we ýüzüp platforma çykmak we suwdan çykmak üçin ýeriň aşagyndaky beýik platformanyň ýerini nädip ýatda saklap biljekdigini yzarlamak bilen baglanyşyklydy. Syçanlara kofeniň düzümindäki bu madda 30 günläp berildi.
Ozal geçirilen neýrobiologiki gözlegler kofe içmek bilen ýadyň we umumy saglygyň arasyndaky baglanyşygy ýene bir gezek tassyklady.
Krembil beýni institutynyň alymlarynyň kofe gaýnadylanda emele gelýän birleşmäniň – fenilindanyň «Alsgeýmer» hem-de «Parkinson» keselleri bilen baglanyşykly iki sany zäherli belogyň, tauwyň we beta-amiloidiň beýnide ýygnanmagyny togtadýandygyny kesgitländir.
Mekan MOLLAÝEW,
TOHI-niň Weterinar lukmançylygy fakultetiniň Buhgalterçilik hasaba alnyşy we audit taýýarlyk ugrunyň 3-nji ýyl talyby.
