Adamlaryň aglaba bölegi gök önüm we miwe şireleriniň käbir kesellerde däri-dermanyň ornuny tutup biljekdigine ynanýarlar. Ýöne bu pikir bilermenler tarapyndan ýalňyş hasaplanýar.
Miwe we gök önüm şirelerini aşa köp mukdarda içmek zyýanlydyr. Günüň dowamynda şiräniň görnüşine görä, 0,5 stakandan 3 stakana çenli içmek ýeterlikdir. Sagdyn adamlar alma şiresini her gün 1 litre çenli, kädi şiresini bolsa islegiňize görä içibermeli.
Uglewodlara we witaminlere baý miwe şirelerini mineral duzlara baý gök önüm şireleri bilen gezekleşdirmek örän peýdaly.
Şiräni nahardan 30-40 minut öň ýa-da 2-3 sagat soň içmek has dogry hasaplanýar.
Eger-de başarsaňyz şiräniň konserwirlenenini däl-de, şire sykyjy enjamyň ýa-da gyrgyjyň kömegi bilen taýýarlanylanyny ulanyň. Miwe we gök önüm şireleriniň täze sykylyp alnany has peýdalydyr.
Sagdyn adamlar nar şiresine suw garyp içse gowy.
«TürkmenGazet».
