1971-nji ýylda Tibete guralan ekspedisiýanyň barşynda alymlar buthanalaryň birinde palçykdan ýasalyp, ýüzüne ýigdelmegiň gadymy hytaý gomeopatik serişdesiniň taýýarlanylyşy barada maglumaty tapdylar. Biziň eýýamymyzdan 4-5 müň ýyl ozalky döwre degişli bolan bu ýazgynyň mazmunynyň terjimesini okyjylara hödürleýäris.
Bu melhemlik serişdesi adam bedenini ýag we hek galyndylaryndan arassalaýar, bedende maddalaryň çalşygyny mese-mälim gowulandyrýar, şonuň netijesinde damarlar çeýeleşýär. Bu bolsa infarkt, stenokardiýa, skleroz, ysmaz ýaly keselleriň, dürli çişleriň emele gelmeginiň öňüni alýar, görüş gowulanýar.
Taýýarlanylyşy
Bu melhemlik serişdesini taýýarlamak üçin 350 gram sarymsagy mazaly arassalamaly we ýuwmaly, soň maýdajyk dograp, bir gapda agaç çemçe bilen mynjyratamaly. Soň emele gelen garyndynyň düýbünden, ýagny suwlurak ýerinden 200 gramyny alyp, çüýşe gaba salmaly. Soň üstüne 96 % spirtiň 200 ml. guýmaly. Gabyň agzyny ýapyp, garaňky salkyn ýerde 10 gün saklamaly. Şondan soň garyndyny dykyz dokalan matadan süzmeli, matada galanyny sykyp, suwuny almaly.
2 günden soň bejergä başlamaly. Munuň üçin 50 ml. sowuk süýdüň üstüne melhemlik serişdesinden şu aşakdaky tablisada görkezilen mukdarda damja damdyryp, her nahardan 15-20 minut öň içmeli:
Içmeli mukdary (damja)
Içmeli günler ertirlik günortan agşamlyk
1-nji gün 1 2 3
2-nji gün 4 5 6
3-nji gün 7 8 9
4-nji gün 10 11 12
5-nji gün 13 14 15
6-njy gün 15 14 13
7-nji gün 12 11 10
8-nji gün 9 8 7
9-njy gün 6 5 4
10-njy gü 3 2 1
11-nji gün 25 25 25
Soňra melhemlik serişde tamamlanýança her naharda 50 ml sowuk süýdüň üstüne 25 damja damdyryp içmeli.
Bejergini 3-5 ýyldan gaýtalamaly.
Taýýarlan Aýsultan JUMANAZAROWA,
Türkmenabat şäheriniň 8-nji orta mekdebiniň biologiýa mugallymy.
