Dünýä meşhur «Ýeke özi öýde» filminiň baş gahrymany, şu film arkaly kino ýyldyzyna öwrülen Makoleý Kalkin köp ýyllap ýeke ýaşady, filmlerde baş keşbi janlandyrmady, özüniň ýaramaz endikleri bilen göreşdi we hatda öz janyna kast etmäge synanyşdy. Ýöne indi garaňky günler yzda galdy: Makoleý depressiýadan gutuldy, Gucci moda sergisine gatnaşdy, dört ýyldan gowrak wagt bäri söýüşýän aktrisa gyzy Brenda Song-a durmuş gurmagy teklip etdi.
Berilýän maglumatlara görä, 41 ýaşly Kalkin «Lightbox» önümçilik kompaniýasynda depressiýa ýyllary barada dokumental film çykarar. Film «Makoleý Kalkiniň ýetginjeklik gussasy» diýlip atlandyrylar. Aktýor taslamany surata düşürmek üçin syýahat etmek isleýär we garrylyk, akyl saglygy we ýaş bilen baglanyşykly üýtgeşmeler baradaky soraglara jogap tapmaga synanyşýar. Kalkiniň pikiriçe, onuň üçin diňe bir öz hekaýasyny paýlaşmak däl, eýsem öz kynçylyklaryny başdan geçirýän adamlara kömek etmek hem möhümdir. Elbetde, pikir hakykatdanam hormata mynasyp!
Ýatladyp geçeliň, aktýoryň geçen durmuşynda diňe bir köp ýyllyk depressiýa bolman, eýsem köp romantik gatnaşyklar we aýralyklar hem bar. Kalkin ilkinji gezek 17 ýaşynda öýlendi. 2000-nji ýylda aktrisa Reýçel Maýner bilen aýrylyşdy. 2002-nji ýylda Kalkin Mila Kunis bilen durmuş gurdy, ýöne 2011-nji ýylda ol bu gatnaşyklary bes etmek kararyna geldi. Şowsuz gatnaşyklar sebäpli ruhdan düşen Makoleý uzak wagtlap söýgüsini tapyp bilmedi. 2017-nji ýylda durmuşyny düýpgöter üýtgeden Brenda bilen tanyşdy. Olar 4 ýyl bile ýaşadylar, 2021-nji ýyla olaryň bir ogly dünýä indi.
«TürkmenGazet».
