Bu hakda 8-nji fewralda sanly ulgam arkaly geçirilen iş maslahatynda habar berildi.
Iş maslahatynda Ministrler Kabinetiniň Başlygynyň orunbasary Ç.Gylyjow Dokma senagaty ministrliginiň «Dokmaçylar» medeni merkeziniň binasyny gurmak hakyndaky Kararyň taslamasyny Türkmenistanyň Prezidentiniň garamagyna hödürledi. Döwlet Baştutany hödürlenen resminamany makullady hem-de “Dokma senagaty ministrliginiň «Dokmaçylar» medeni merkeziniň binasyny gurmak hakyndaky” Karara gol çekdi we ony sanly ulgam arkaly wise-premýere iberdi.
«TürkmenGazet».
