3-nji fewralda Türkmenistanyň Prezidenti iş sapary bilen Hytaýyň paýtagty Pekin şäherine ugrady. Bu ýerde türkmen Lideri Hytaý Halk Respublikasynyň Başlygy Si Szinpiniň çakylygy boýunça XXIV gyşky Olimpiýa oýunlarynyň açylyş dabarasyna gatnaşar.
4-nji fewralda Olimpiýa oýunlarynyň açylyş dabarasy geçiriler. Türkmenistanyň Prezidenti oýunlaryň ýokary guramaçylykly geçiriljekdigine berk ynanýandygyny Hytaýyň iri neşirleriniň we teleýaýlymlarynyň wekillerine beren interwýusynda aýdypdy.
«Pekinde geçiriljek gyşky Olimpiadanyň açylyş dabarasyna gatnaşmak baradaky çözgüdim barada aýdylanda, ol, ilkinji nobatda, bu sport bäsleşikleriniň bütin dünýä üçin ägirt uly ähmiýete eýedigi bilen şertlendirilendir» diýip, türkmen Lideri belledi.
«TürkmenGazet».
