Dutar ýasamak senetçiliginiň, dutarda saz çalmak we bagşyçylyk sungatynyň ÝUNESKO-nyň Adamzadyň maddy däl medeni mirasynyň sanawyna girizilendigini we degişli güwänamanyň gowşurylandygyny ozal habar beripdik.
Şu mynasybetli 1-nji fewralda Türkmenistanyň döwlet medeniýet merkeziniň Mukamlar köşgünde dabaraly maslahat we sergi geçirildi. Dutar ýasamakda öňdebaryjy ussalaryň 6-syna «Çeper döredijiligiň halk ussasy» diýen hormatly atlar dakyldy. Dabaradan fotosuratlara möhürlenen pursatlary okyjylarymyzyň dykgatyna ýetirýäris.
