Gadagan edilen tokaý, Uly zal, Hogwarts kitaphanasy, Hogwartsyň dälizi, Hogsmid stansiýasy, Makgonagallyň edarasy, Hogwartsyň mekdebi — bu ýerleriň ählisi dünýä belli kinofilm bolan “Garri Poter” filminde esasy rol oýnalan ýerlerdir.
Gadagan edilen tokaý – «Black Park», Buckinghamshire.
Angliýada ýerleşýän bu tokaýyň köp bölegine hakykatdan hem Gün şöhlesi öräz az düşýär.
Uly zal – St Aldate’s church College, England.
Bu meşhur bina Oksford uniwersitetiniň uly göwrümli arhitekturaly aristokratiki kollejleriniň biridir. Ony esaslandyryjy Tomas Uolsi hasaplanýar.
Hogwartsyň kitaphanasy – Bodleian Library, Oxford.
Bu kitaphana Ýewropada iň bir gadymy kitaphanalaryň biri bolup, Angliýada onuň deňi-taýy ýokdur. 1662-nji ýyldan başlap, ýurtda neşir edilen ähli neşirleriň nusgalaryny bu ýerden tapmaklyk bolýar.
Hogwartsyň dälizi – Gloucester Cathedral.
Angliýadaky Gloster mejlisiniň geçirilýän ýeri. Filmdäki baş gahrymanlar bolan dostlaryň aýrylmaz üçlügi bu dälizde ylgaýan pursatlary köpümiziň ýadymyzdadyr.
Hogwartsyň mekdebi – Alnwick Castle.
Bu bina Nortumberlend gersoglarynyň galasy bolup, filmde gahrymanlaryň oýun oýnaýan pursatlary janlandyrylýar. Angliýada ýerleşýän bu uly gala beýleki meşhur filmleriň birnäçesinde hem görkezildi. Mysal üçin, «Robin Hood» filminde bu ajaýyp gadymy binany gören bolsak gerek.
Makgonagallyň edarasy – Durham Cathedral.
Beýik Britaniýada ýerleşýän ajaýyp binägarlik arhitekturasy bilen tanalýan bu bina UNESKO-nyň sanawyna hem girizildi. Bu ýere gelýän dünýä syýahatçylarynyň hem sany ýylsaýyn artýar.
Didarjan KALANDAROW,
Türkmen oba hojalyk institutynyň talyby.
