Kýodo News agentliginiň habar bermegine görä, dünýäniň iň uly ýaşly zenany hökmünde Ginnesiň rekordlar kitabyna giren ýaponiýaly Kane Tanaka şu aýyň başynda özüniň 119 ýaşyny belledi. Häzirki wagtda ol garrylar öýünde ýaşaýar. 1903-nji ýylyň 2-nji ýanwarynda doglan bu zenan tutuş ömrüniň dowamynda tüwi unundan taýýarlanan çörekleri satýan dükanda işläpdir. 1970-nji ýyllarda ol hormatly dynç alşa çykypdyr we birnäçe gezek ABŞ-na gezelenje gidipdir. 2005-nji ýyldan bäri garrylar öýünde ýaşaýan Tanaka şokolad iýmegi we gazly suwlary içmegi halaýar.
«TürkmenGazet».
