«Tesla» kompaniýasynyň esaslandyryjysy, milliarder Ilon Mask üstünlik gazanmak boýunça birnäçe maslahatlaryny paýlaşdy:
— Ilkinji maslahatym, durmuşda peýdaly ynsan bolmaga çalşyň! Şeýle hem ak ýürek bilen zähmet çekiň!
— Diňe daş-töwerekdäkileriň gözüne görünmek üçin lider boljak bolmaň! Köp ýagdaýlarda liderligi gowy başarýan adamlaryň özi ýolbaşçy bolmagy islemeýärler.
— Şowlulyk gazanýan adamlar örän açyk we alçak häsiýetlidirler. Olardan gowy gürrüňdeşe garaşybermeli. Şeýle hem olar wagtynyň köp bölegini kitaba sarp edýändirler.
— Men kitaby köpräk okamagy maslahat berýärin. Köpräk zatlary öwrenmäge ýykgyn ediň, umumy bilimleriňizi ösdürmäge çalşyň. Bu siziň dünýägaraýşyňyzy giňelder.
«TürkmenGazet».
