Bütindünýä Saglygy Goraýyş Guramasy kompýuter oýunlaryna çenden aşa bagly bolmagy täze dörän keselleriň bir görnüşi diýip yglan etdi we ony iň howply keselleriň hataryna goşdy.
Guramanyň berýän maglumatlaryna görä, kompýutere we wideo oýunlaryna çenden aşa bagly bolmak adam bedeniniň ruhy taýdan ýaramaz hala düşmegine getirýär. Bu kesele duçar bolan adamlarda 1 ýylyň dowamynda ruhy taýdan dürli näsazlyklar ýüze çykýar. Bu ýagdaý bolsa daş-töwerekdäkiler we maşgala agzalary bilen özara gatnaşyklara ýaramaz täsirini ýetirýär.
Bütindünýä Saglygy Goraýyş Guramasy munuň ýaly ýagdaýlarda professional lukmanlaryň kömeginiň zerurdygyny nygtaýar.
«TürkmenGazet».
