Türkmenistanyň Ylymlar akademiýasynyň Tehnologiýalar merkeziniň laboratoriýalarynyň onusy täze ýyldan işi ýöretmegiň hojalyk hasaplaşygy usulyna geçdi.
Häzirki wagtda Merkeziň laboratoriýalarynda bio-, nano-, maglumatlar tehnologiýalarynda, maddalaryň, molekulýar biomateriallaryň, uglewodorod çig mallarynyň fiziki-himiki çuňňur öwrenilmeginde we beýleki barlaglarda ylmy pudagara barlaglar toplumy geçirilýär. Tehnologiýalar merkezinde geçirilýän barlaglaryň netijeleri ýurdumyzyň ykdysadyýetiniň pudaklarynyň ählisinde, şol sanda oba hojalygynda, lukmançylykda, farmasewtikada, ekologiýada, azyk, himiýa, nebit himiýasy senagatynda ulanylýar.
«TürkmenGazet».
