Hytaýda 6,9 magnitudaly güýçli ýer titreme bolup geçdi. Netijede Beýik Hytaý diwarynyň bir bölegi weýran boldy, adamlar jebirlendi. Bu hakda 9-njy ýanwarda — ýekşenbede mälim edildi diýip, Global times habar berýär.
Maglumatlara görä, yranmalar şenbe güni Hytaýyň demirgazyk-günbataryndaky Sinhaý prowinsiýasynda 10 kilometr çukurlykda boldy. Yranmanyň az ilatly çäkde bolandygyna garamazdan, ýer titremeleri birnäçe uly şäherlerde hem hasaba alnypdyr.
Heläk bolanlar hakda habar berilmedik, ýöne 9 kişi ýaralanypdyr. Olaryň 8-si hassahanadan çykarylypdyr, bir kişi bolsa entegem lukmanlaryň gözegçiliginde.
Ýekşenbe güni resmi wekiller Hytaýyň demirgazyk-günbataryndaky Gansu prowinsiýasynyň Şandan okrugynda bolan ýer yranma Beýik Hytaý diwarynyň iki metrini weýran edendigini anykladylar.
Bozulan ýer Min nesilşalygynyň döwründe (1368-1644) gurlupdyr. Häzirki wagtda hünärmenler bejeriş işlerini alyp barýarlar.
«TürkmenGazet».
