Aşgabatda «Älem» medeni we dynç alyş merkeziniň öňündäki meýdançada oturdylan baş Täze ýyl arçasy GDA ýurtlarynyň paýtagtlarynda oturdylan ýaşyl gözellikleriň arasynda beýikligi boýunça birinji orunda dur.
Baş arçanyň üstündäki çyralar ýakylan pursadyndan başlap, ýurdumyzda Täze ýyl mynasybetli baýramçylyk çärelerine badalga berildi. Boýy 38,5 metr bolan owadan, göze ýakymly lybasly ýaşyl gözelligiň çür başynda «2022» ýazgyly sekizburçly ýyldyz ýerleşdirilipdir.
Maglumat hökmünde aýdyp geçeliň, Russiýanyň iň beýik arçasy 28 metre, Gazagystanyňky 25 metre, Özbegistanyňky 35 metre deňdir.
«TürkmenGazet».
