2021-nji ýylda TikTok Google-den öňe geçdi

TikTok gysga wideorolikler platformasy iň köp ulanylan saýtlaryň reýtinginde öňbaşçy boldy diýip, Cloudflare habar berýär.

Bu platforma 2021-nji ýylyň dowamynda ulanylyş derejesi boýunça Google-ni ikinji orna düşürdi. 3-nji orny Facebook eýeledi.

Ýatladyp geçeliň, geçen ýylda TikTok bu sanawda 7-nji orny eýeläpdi.

Reýtingde top-10 saýtlar şeýle ýerleşdirilipdir:

1. TikTok.com
2. Google.com
3. Facebook.com
4. Microsoft.com
5. Apple.com
6. Amazon.com
7. Netflix.com
8. YouTube.com
9. Twitter.com
10. WhatsApp.com

Kompaniýanyň alyp baran gözegçiliklerine görä, Hytaý kompaniýasynyň gysga wideolary görmek we döretmek platformasy ilkinji gezek üstümizdäki ýylyň fewral aýynda birinji orna geçipdir. Biraz pes netijelerden soň, awgust aýyndan başlap, ýene-de birinji orundan düşmän gelipdir.

«TürkmenGazet».