Dünýä meşhur «Time» žurnaly koronowirus infeksiýasyna garşy waksinalary işläp taýýarlan alymlara «2021-nji ýylyň gahrymany» diýen ady berdi.
Žurnalyň sahypalarynda bu ada eýe bolanlaryň sanawy yglan edildi. Olar: Germaniýanyň «BioNTech» kompaniýasynyň wise-prezidenti Katalin Kariko, amerikaly immunologlar Barni Grem we Kizzmekiýa Korbett (olar Amerikanyň «Moderna» kompaniýasy bilen bilelikde waksina döretdiler) we alym Drýu Waýssman («Pfizer»/«BioNTech» bilen bilelikde waksina döretdi).
— Bütin dünýäniň halkyna «COVID-19»-a garşy ýarag beren bu alymlar biziň indiki duş geljek kynçylyklarymyza garşy hem «galkan» ýasap bererler — diýip, «Time» žurnalynda habar berilýär.
TürkmenGazet.
