SAÝAWAN
Ýaz ýagyşdan, tomus günden goranyp,
Götererdiň enaýyja saýawan.
Özüňi şeýle bir aýardyň welin,
Aýamazça däldiňem sen, eý-aman!
Men diýerdim: «Meniň bugdaýreňklijäm,
Sen güne ýanaňda owadan bolýaň,
Goýaý, şu enaýy saýawanyňy,
Olar gül ýüzüňi menden gabanýar,
Ýagşa ezileňde görküň durlanyp,
Has nur saçýaň ýüregime» diýerdim.
Barybir sen munda nirä gitseňem
Saýawanly goraglyja giderdiň.
Söýgüde-de bolmady meň diýenim
Hatda ýetişmedim, aýamaga-da.
Gitdiň şol enaýy saýawan bilen
Başga bir ykbalda saýalamaga.
Şatlyk HUDAÝNAZAROW.
