Geniýleriň durmuşyny gürrüň berýän filmler
Üstünlik gazanan adamlaryň kitaplaryny okap, tejribelerini diňlemekden başga, olaryň durmuş ýollaryny gürrüň berýän filmlerini görmek has täsirli bolup durýar.Bu makalada size geniýleriň durmuşy barada gürrüň berýän gyzykly filmleri hödürlemegi makul bildik:
- Pi (1998)
Matematika geniýsi bolan Maks, adamzat durmuşynyň iň ähmiýetli açyşyny etmäge ýakynlaşýar. Onuň tapan syry üçin adamlar belkide biri-birini öldürip bilerdi. Şol sebäpli ol ony hemmelerden saklady. Maks zynjyryň ilkinji halkasy bolan kody döwüp, bu ähtimallygy aradan aýyrmak isleýär.
- Geniý-Gifted (2017)
Floridada ýaşaýan Frank Adler (Kris Ewans), 7 ýaşyndaky ýegeni Mary bilen bile ýaşaýar. Ýegeni adatdan daşary zehinli çaga bolsada, Frank ony adaty mekdebe iberýär. Çünki onuň ejesi hem matematiki açyş etjek bolup janyna kast edipdi. Ol ýegeniniň beýle bolmagyny islemeýär. Filmde mundan soňra ýüze çykjak çylşyrymly ýagdaýlar gürrüň berilýär.
- Social network (2010)
Bu film Facebook-y esaslandyryjy Mark Zukerbergiň durmuşyny gürrüň berýär.
Umumy ýaşaýyş jaýyndan başlaýan film şowsuzluklar bilen başa baş söweşleriň netijesindäki üstünlik bilen tamamlanýar. Eger-de dünýäde hasaba alnan iň ýaş milliarderiň durmuşyndan tejribe alaýyn diýseňiz bu film hut siziň üçin!
- Hemme zadyň teoriýasy-The theory of everything (2014)
Meşhur fizik we alym Stefen Hawkingiň durmuşy barada gürrüň berýän bu film, onuň durmuşyny başdan aýaga görkezýär. Onuň bu filimdäki açyşy dünýäni üýtgeden açyşlaryň biri bolup durýar.
- Ýagmyr adam-Rain man (1988)
Çarli kakasynyň öljekdigini eşidip, uly miras barada arzuw edip başlaýar. Görüp otursa diňe köneje maşyn galan Çarli, kakasynyň ýene bir ogly bolan Raýmondy tanaýar. Çünki galan miras oňa berlipdi. Raýmond keselli bolansoň Çarli ony maşyn bilen syýahata çykarýar.
- Akyl oýunlary-A beatiful mind (2002)
Jon Forbes ýaş başyna öňe süren teoriýalary bilen matematika dünýäsinde meşhur bolýar. Emma gysga wagtda alan bu meşhurlygy onuň men-menligine we gedemligine goşant bolýar. Netijede alym öz häsiýet meseleleri bilen bulaşyp, geniýlik we däliligiň arasynda durmuş ýaşaýar.
- Good Will Hunting (1997)
Will uniwersitetde ýerleri arassalaýan geniý işgär. Ol köçe uruşlaryna gatnaşyp, mydama belaň içinde gezipdir. Tussag ediljek bolýan wagty ony goran ýeke adam, onuň ukyplaryny gören Professor Sean Mkguiredir. Olar öz aralarynda ylalaşyp, dostluk gurýarlar we filimiň esasy aýgytlaýjy pursatlaryna ýol açýarlar.
Taýýarlan: Jemal BAÝRAMOWA,
Halkara ynsanperwer ylymlary we ösüş uniwersitetiniň žurnalistika hünäriniň talyby.
