Mähriban aýdym-saz muşdaklary,
13-nji iýunda sagat 19-da Magtymguly adyndaky Milli sazly-drama teatrynda Resul Gylyjowyň ýolbaşçylygynda «Nusgawy sazlar dünýäsine syýahat» atly konsertine çagyrýarys. Konsertde Pýotr Ilýiç Çaýkowskiniň ynsan söýgüsiniň ölçegi bolan iň owadan eserleriň biri hasaplanylýan «Romeo we Julýetta» uwertýura-fantaziýasyny, Sergeý Rahmaninowyň 2-nji simfoniýasynyň birnäçe bölegi ýaňlanar.
Ýusup Öwezow fransuz saz impressionisti Klod Debýussiniň eserini ýerine ýetirer. Wolfgang Amadeý Mosartyň «Figaronyň öýlenmegi» operasyna uwertýurasy, şeýle hem Rejep Rejebowyň goboý we orkestr üçin döreden eseri ýüreklere ýatdan çykmajak ajaýyp ýatlamalary paýlar.
20-nji iýunda geçiriljek konsert bolsa uruş ýyllarynyň aýdymlary, şol gazaply dört ýylyň güzaply günlerinde geljege bolan umydyny ýitirmedik adamlaryň durmuşyny beýan etmäge mümkinçilik berer.
