Näme etseň, çyndan etgin, taslama,
Uzaga gitmeýär ýalan toslama.
***
Eger-de ýagşylyk isleseň ile,
Küýüňde-köýüňde bolmasyn hile.
***
Bagtyňy zähmetden, derden gözlegin.
Näme ýitirseňem ýerden gözlegin.
***
Eneňe-ataňa bermeseň wepa,
Görjegiň görgi bor, çekjegiň jepa.
***
Başyň aman bolar, gulak goý, akla,
Diliňi dişiňden aňyrda sakla.
***
Söýmek bir zat, nalamagam bir zatdyr,
Gorkmak bir zat, sylamagam bir zatdyr.
***
Ynanmagyn näçe etse-de puşman,
Dönük bir sypdygy ýene bor duşman.
Awtory: Gurt Näzliýew.
