(oýlanma)
Ine bu gün ýene kenaryňa geldim. Göwnüme bolmasa, seni bir zatlar biynjalyk edýär. Göýä sen bizden närazy bolýan ýaly…Ýa-da sen çagalaryň şatlykly gülkülerini küýseýäňmi ýa-da gumrular deý aşyklaryň kenaryňda biri-birine sözleýän pynhan sözlerini küýseýärsiňmi..
Dogry, bu ýyl seniň kenaryň ümsümlik. Sen bolsa hapalaryňy kenaryňa şol oklap durşuň. Şu bolşuň maňa-da meňzemän duranok. Men-de edil şeýle-dä… Men hem şu günümiň asudalygyny bozýan, emma ýüregimi howsala getirýän adamlary durmuşymdan çykarasym gelýär. Ýöne edil sen ýaly edip bolanok. Sebäbi biz biraz sypaýy bolmaly…Ýöne deňzim, sen-de agyrlyk edýän zatlaryňy gark edip, düýbüňde saklaňokmy, näme?
Deňzim, sen ýaşaýyş, sen bereket, sen rysgal, sen şatlyk. Kenaryňda gurlan bu ajaýyp binalary diýsene…Seniň kenaryň — jennet mekany. Ine nesip bolsa, az salymdan kenarlaryňda çaga gülküleri ýaňlanar. Şatlyk-şagalaňa öwrülersiň. Ýöne az salym sabyr etmek gerek. Sebäbi biz özümizi dürli kesellerden goramaly…
Az wagtdan töweregiň şatlyk şowhundan dolar. Sen muny küýsemediňmi eýsem?
Akgül HEMRAÝEWA,
Türkmenbaşy şäheriniň 4-nji orta mekdebiniň rus dili mugallymy.
