Ýakynda Türkmenistanyň Ýaponiýadaky Ilçihanasy Tokio uniwersitetinde Türkmenistanyň Garaşsyzlygynyň 30 ýyllygyna hem-de 2021-nji ýylyň «Türkmenistan – parahatçylygyň we ynanyşmagyň Watany» diýlip yglan edilmegine bagyşlanan futbol ýaryşyny geçirdi. Ýaryşa Ýaponiýada bilim alýan türkmen talyplary, şeýle hem Tokio şäheriniň ýaşaýjylary gatnaşdylar.
Bu sport çäresi ýaşlaryň arasynda sport işjeňligini, bedenterbiýe we sagaldyş hereketini ösdürmek, şeýle hem jemgyýetde ekologiýa medeniýetini kemala getirmek we bu ugur boýunça döwletleriň hem-de halklaryň arasynda hyzmatdaşlygy işjeňleşdirmek maksady bilen geçirildi.
*****
Ýakynda Ankara uniwersitetiniň binasynda Türkmenistanyň Türkiýe Respublikasyndaky Ilçihanasy bilen Türkiýe Respublikasynyň Ankara uniwersiteti tarapyndan hormatly Prezidentimiziň «Atda wepa-da bar, sapa-da» we «Türkmeniň döwletliliik ýörelgesi» atly kitaplarynyň türk dilindäki nusgalarynyň tanyşdyrylyş maslahaty, şeýle-de Türkmenistanyň Garaşsyzlygynyň 30 ýyllygy, 2021-nji ýylyň ýurdumyzda «Türkmenistan – parahatçylygyň we ynanyşmagyň Watany» diýlip yglan edilmegi mynasybetli türkmen döwletiniň medeni gymmatlyklarynyň sergisi gurnaldy.
Maslahata Türkiýe Respublikasynyň Prezidentiniň baş geňeşçisi Ýa.Topçu, Ankara uniwersitetiniň rektory N.Ünüwar, Türkiýäniň Parlamentiniň türkmen-türk dostluk toparynyň ýolbaşçysy I.Aýdemir, Azerbaýjan Respublikasynyň, Belarus Respublikasynyň, Gazagystan Respublikasynyň we Gyrgyz Respublikasynyň, Moldowa Respublikasynyň, Russiýa Federasiýasynyň we Ukrainanyň Türkiýe Respublikasyndaky Adatdan daşary we doly ygtyýarly Ilçileri, türkmen talyplary, köpçülikleýin habar beriş serişdeleriniň wekilleri we beýlekiler gatnaşdylar.
Çykyş edenler hormatly Prezidentimiziň eserleriniň türkmen we türk halklary üçin möhüm ähmiýete eýedigi barada giňişleýin nygtadylar.
*****
Ýakynda Türkmenistanyň Gyrgyz Respublikasyndaky Ilçihanasy I.Arabaýew adyndaky Gyrgyz Döwlet uniwersiteti bilen bilelikde Türkmenistanyň Garaşsyzlygynyň 30 ýyllygy hem-de ýurdumyzda 2021-nji ýylyň «Türkmenistan – parahatçylygyň we ynanyşmagyň Watany» diýlip yglan edilmegi mynasybetli tegelek stol geçirdi.
Çärä Gyrgyz Respublikasynyň Parlamentiniň wekilleri, Medeniýet, maglumat, sport we ýaşlar syýasaty ministrliginiň ýolbaşçylary, Bişkekde akkreditirlenen diplomatik wekilhanalaryň ýolbaşçylary hem-de wekilleri, birnçäe ýokary okuw mekdepleriniň rektorlary, professor-mugallymlary we talyplary, şeýle hem ýerli habar beriş serişdeleriniň wekilleri gatnaşdylar.
Türkmenistanyň Gyrgyz Respublikasyndaky Ilçisi öz çykyşynda Türkmenistanyň Garaşsyzlyk ýyllarynda ýeten sepgitleri hem-de türkmen-gyrgyz dostlukly gatnaşyklarynyň ösüşi barada gürrüň berdi. Şeýle hem Bitarap Türkmenistanyň halkara parahatçylygy, howpsuzlygy we dunukly ösüşi üpjün etmäge gönükdirilen daşary syýasaty barada durup geçdi.
Çäräniň ahyrynda hormatly Prezidentimiziň kitaplarynyň hem-de türkmen halkynyň baý taryhy, medeniýeti we sungaty baradaky kitaplaryň we žurnallaryň sergisi gurnaldy.
*****
Ýakynda Türkmenistanyň Rumyniýadaky Ilçihanasy Buharest şäheriniň Politehniki uniwersiteti bilen bilelikde uniwersitetiň sport merkezinde sportuň mini futbol hem-de stoluň üstünde oýnalýan tennis görnüşleri boýunça ýaryşlar geçirildi. Ýaryşlar Bütindünýä saglyk gününe, şeýle hem Türkmenistanyň Garaşsyzlygynyň 30 ýyllygyna we 2021-nji ýylyň «Türkmenistan – parahatçylygyň we ynanyşmagyň Watany» diýlip yglan edilmegine bagyşlanyldy.
Ýaryşlara Rumyniýanyň ýokary okuw mekdeplerinde okaýan Türkmenistanly talyplar, şeýle hem uniwersitetiň rumyniýaly we daşary ýurtly talyplar gatnaşdylar.
Sport çäräniň açylyş dabarasynda uniwersitetiň rektory Mihnea Kostoiu we Türkmenistanyň Rumyniýadaky Ilçisi A.Annaýew çykyş etdiler hem-de sportuň halklary ýakynlaşdyrmakdaky dostlugy we parahatçylygy ýola goýýandygynyň ähmiýeti barada bellediler.
Ýaryşlar tamamlanandan soňra, sportuň iki görnüşi boýunça ýeňijileri sylaglama dabarasy geçirildi. Ýaryşyň ähli ýeňijilerine ýatlama sowgatlary gowşuryldy. Şeýle hem çäräniň ahyrynda gatnaşyjylara türkmen milli tagamlary hödürlenildi.
*****
Ýakynda Ýaponiýanyň Parlamentiniň binasynda Türkmenistanyň Ýaponiýadaky Ilçihanasynyň ýapon-türkmen parlamentara dostluk toparynyň bilelikde gurnamagynda Türkmenistanyň Garaşsyzlygynyň 30 ýyllygy, hemişelik Bitaraplygynyň 25 ýyllygy hem-de ýurdumyzda 2021-nji ýylyň «Türkmenistan – parahatçylygyň we ynanyşmagyň Watany» diýlip yglan edilmegi mynasybetli maslahat geçirildi.
Maslahata Ýaponiýanyň Parlamentiniň deputatlary, Ýaponiýanyň Daşary işler ministrliginiň, Ykdysadyýet, söwda we senagat ministrliginiň, Bilim, medeniýet, sport, ylym we tehnologiýalar ministrliginiň, Adalat ministrliginiň, JICA agentliginiň wekilleri, şeýle-de Ýaponiýada bilim alýan türkmen talyplar gatnaşdy.
Çärede Türkmenistanyň Ýaponiýadaky Adatdan daşary we Doly ygtyýarly Ilçisi G.Elýasow, Ýapon-Türkmen parlamentara dostluk toparynyň başlygy, Tokio-2020 Olimpiýa we paralimpiýa oýunlarynyň guramaçylyk komitetiniň wise-prezidenti E.Toşiaki we beýlekiler çykyş etdiler.
Türkmenistanyň Garaşsyzlygynyň we hemişelik Bitaraplygynyň ähmiýeti, olaryň halkara howpsuzlygyna, durnuklylygyna we ösüşe edýän täsiri barada bellenip geçildi. Şeýle-de maslahatda çykyş edenler Garaşsyzlyk ýyllary içinde türkmen-ýapon gatnaşyklarynyň ösüşi barada hem aýdyp berdiler.
Çäräniň ahyrynda türkmen talyplary Ýaponiýanyň Parlamentiniň deputatlary bilen sorag-jogap görnüşinde pikir alyşdylar.
