Mähriban okyjylar! Size aprel aýynyň 10-na dünýä inen meşhur zenanlar baradaky maglumatlary hödürleýäris.
Daisy Jazz Isobel Ridley (28 ýaşady) – iňlis aktrisasy. Ol halkara derejesindäki meşhurlyga “Star wars” filminde ýerine ýetiren Reýiň keşbi bilen eýe bolýar.
Mandy Moore (36 ýaşady) – amerikan aýdymçysy, kompozitor we aktrisa. Ol “Kandle” atly ilkinji aýdymy bilen uly meşhurlyk gazandy. Ol aýdym “Billboard Hot 100-iň” 41-nji ornuny eýeleýär.
Sofia Carson (27 ýaşady) – amerikan aktrisasy we aýdymçy. Ol telewideniýedäki ilkinji çykyşyny “Disney” teleýaýlymynyň “Austin & Ally” serialynda myhman ýyldyz hökmündäki keşbi ýerine ýetirmek bilen başlaýar.
Shay Mitchell (33 ýaşady) – kanadaly aktrisa, model, telekeçi we ýazyjy. Ol “Pretty Little Liars” drama serialynda ýerine ýetiren Emily Fieldsiň keşbi bilen uly meşhurlyk gazandy.
Chyler Leigh West (38 ýaşady) – amerikan aktrisasy, aýdymçy we model. Ol “Not another teen movie” filminde ýerine ýetiren Janey Briggsiň keşbi bilen meşhurlyk gazandy.
Jamie Chung (37 ýaşady) – amerikan aktrisasy we telegepleşikleri alypbaryjy. Ol 2004-nji ýylda MTV teleýaýlymynyň teleşounda surata düşmek bilen öz zähmet ýoluna başlady.
Maren Larae Morris (30 ýaşady) – amerikan aýdymçysy, kompozitory we prodýuser. Onuň iki sany bütin dünýä boýunça uly meşhurlyga eýe bolan albomlary bar.
Ayesha Takia (34 ýaşady) – hiindi kinoaktrisasy. Ol “Taarzan: The Wonder Car” filmi bilen zähmet ýoluna başlady we şol kino üçin “Filmfare Best Debut” baýragyna mynasyp boldy.
Mähriban Hudaýgulyýewa,
Türkmenistanyň Daşary işler ministrliginiň Halkara gatnaşyklary institutynyň talyby.
