Hemmeler ýazýan mahaly,
Okaýan adam bolmaýar.
Hemmäň aýdym aýdýan wagty,
Diňleýän adam bolmaýar.
Hemmeleň tans edýän çagy,
Işleýän adam bolmaýar.
Köplük bilen ýagşy-ýaman
Her hili iş edilse-de,
Geňleýän adam bolmaýar.
Poeziýa – sen gözel gyz,
Men seni söýüp giderin.
Sensiz men galaryn ýalňyz,
Yşkyňda köýüp giderin.
Söýüp, bilbil kibi saýrap,
Seň şanyňa sözler saýlap,
Aýlap-öwrüp, öwrüp-aýlap,
Diýjegim diýip giderin.
Poeziýa – sen bir peri, –
Şahyrlaryň örteneni.
Sen goýup gitmersiň meni,
Men seni goýup giderin.
