23-nji oktýabrda Prezident Serdar Berdimuhamedow XVI BRICS sammitine gatnaşmak üçin iki günlük iş sapary bilen Russiýa Federasiýasynyň Tatarystan Respublikasynyň paýtagtyna gitdi. Mälim bolşy ýaly, 22 — 24-nji oktýabrda Kazanda BRICS-e agza ýurtlaryň Liderleriniň sammiti geçirilýär.
Agşam Türkmenistanyň Prezidenti Russiýa Federasiýasynyň Prezidenti tarapyndan XVI BRICS sammitine gatnaşýan wekiliýet Baştutanlarynyň hormatyna beriljek agşamlyk naharyna myhman hökmünde gatnaşdy. Ertir bolsa «Kazan Ekspo» halkara sergiler merkezinde sammitiň BRICS+ görnüşindäki mejlisi geçiriler.
Şu ýyl BRICS-de Russiýa Federasiýasy başlyklyk edip, ol «Adalatly ählumumy ösüş we howpsuzlyk üçin köptaraplaýynlygyň berkidilmegi» şygary astynda geçýär. Nobatdaky Kazan sammitine dünýäniň 30-dan gowrakdan ýurdundan wekiliýetler gatnaşýar. Şolaryň 22-si bolsa döwlet Baştutanlary derejesindedir.
«TürkmenGazet».
