«Al-Nasr» we Portugaliýanyň milli futbol ýygyndysynyň meşhur hüjümçisi Kristiano Ronaldo hususy sagat kolleksiýasyny çykarandygy barada «championat.com» habar berýär.
Meşhur hüjümçi Ronaldo «X» sosial ulgamynda: «Men hemişe öz sagat kolleksiýamyň bolmagyny arzuw edipdim. «Jacob&Co», «Flight of CR7» we «Heart of CR7» meniň meýdançadaky iň şanly pursatlarymdan ylham alýar. Olar siziň göwnüňizden turar diýip umyt edýärin» diýen ýazgysyny paýlaşdy.
«Flight of CR7» modelinde Ronaldonyň 2013-nji ýylda «Real Madrid»-iň düzüminde öňki topary «Mançester Ýunaýted»-iň derwezesine kelle bilen salan goly şekillendirilen. Iki modeliň-de üç çäkli görnüşi çykaryldy: brilliantsyz, baget brilliantly we tegelek brilliantly.
«TürkmenGazet».
