Ählimize mälim bolşy ýaly, 1949-njy ýylda esaslandyrylan «Emmy» baýragy amerikan telewideniýesinde gazanylan üstünlikler üçin her ýyl dabaraly ýagdaýda ýeňijilere gowşurylyp gelinýär. Ynha, bu ýyl hem Los-Anjelesde 76-njy «Emmy-2024» baýragynyň gowşurylyş dabarasy uly şüweleň bilen geçirildi.
2024-nji ýylda iň köp baýrak alan bolsa, Ýaponiýa barada gürrüň berýän «Sýogun» serialy bolmagy başardy. Bu Jeýms Klawelliň adybir taryhy romanynyň ikinji ekranlaşdyrylmasy. Baş keşbi ýaponiýaly aktýor Hiroýuki Sanada ýerine ýetirip, ol «Drama serialynyň iň gowy aktýory» nominasiýasynda abraýly baýraga mynasyp boldy. Umuman alanyňda, serial jemi 17 sany baýrak gazanmagy başardy.
Ine, «Emmy — 2024» baýragynyň laureatlarynyň sanawy:
Iň gowy drama serialy: «Sýogun»;
Iň gowy komediýa serialy: «Hileler»;
Iň gowy mini-serial: «Sugun çagasy»;
Drama serialynda iň gowy aktýor: Hiroýuki Sanada;
Drama serialynda iň gowy aktrisa: Anna Sawai;
Drama serialynda ikinji plandaky iň gowy aktýor: Billi Krudap;
Drama serialynda ikinji plandaky iň gowy aktrisa – Elizabet Debiki;
Komediýa serialynda iň gowy aktýor: Jeremi Allen Uaýt;
Komediýa serialynda iň gowy aktrisa: Jin Smart;
Komediýa serialynda ikinji plandaky iň gowy aktýor: Ebon Moss-Bahrah;
Komediýa serialynda ikinji plandaky iň gowy aktrisa: Laýza Kolon-Zaýýas;
Mini-serialda, antologiýada ýa-da telefilmde iň gowy aktýor: Riçard Gadd;
Mini-serialda, antologiýada ýa-da telefilmde iň gowy aktrisa:– Jodi Foster;
Mini-serialda, antologiýada ýa-da telefilmde ikinji plandaky iň gowy aktýor: Lamorn Morris;
Mini-serialda, antologiýada ýa-da telefilmde iň gowy aktrisa: Jessika Ganning;
«TürkmenGazet».
