Ýakynda dünýäniň iri kompaniýalarynyň biri hasaplanýan «IKEA» kompaniýasy iň uly pižamaly şüweleňi gurady. Bu barada ingka.com saýty habar berýär.
Ginnesiň rekordlar kitabynyň resmi saýty bu şüweleňe, takmynan, 2000-den gowrak adamyň gatnaşandygyny mälim etdi. Gatnaşyjylaryň her biri özboluşly QR kody bilen hasaba alyndy. Ýatmak üçin eşik toplumlary ähli gatnaşyjylarda diýen ýaly birmeňzeş bolup, balaklar we köýnekçeler logotipiň reňklerine salgylanýan gök reňkde bolupdyr. Çäkli çykarylan pižamalaryň doly derejede gaýtadan işlenen plastiklerden taýýarlanylandygyny nygtamak gerek.
Şüweleň kompaniýanyň esaslandyrylan, «IKEA»-nyň ilkinji dükanynyň, ofisiniň we dünýäde ýeke-täk «IKEA» myhmanhanasynyň ýerleşýän ýeri bolan Şwesiýadaky Elmhult şäherinde dabaraly ýagdaýda guraldy. Resmi emin Glenn Pollard umumy sanyny tassyklap, Ginnesiň rekordlar kitabynyň şahadatnamasyny rekordyň goýlan güni şol ýerde kompaniýanyň wekiline gowşurdy.
«TürkmenGazet».
