Şu gün – 19-njy sentýabrda Türkmenistanyň Garaşsyzlygynyň 33 ýyllygy mynasybetli guralan ýurdumyzyň ykdysady üstünlikleriniň sergisi öz işine başlady. Sergi paýtagtymyzdaky «Garagum» myhmanhanasynyň ýanyndaky giň açyk meýdançada geçirilýär.
Bu sergi Garaşsyzlygyň aýdyň ýolunda ykdysadyýetimiziň gazanýan uly üstünlikleriniň özboluşly görkezijisine öwrüldi. Hormatly Prezidentimiziň sergä gatnaşyjylara iberen Gutlagynda: “Bu gün öz işine başlaýan giň möçberli sergide diňe bir Watanymyzyň gazanan üstünlikleri, ýeten belent sepgitleri däl-de, eýsem, ýeneki ösüşleriň badalgasyna öwrüljek başlangyçlarymyz, täze taslamalarymyz hem giňden beýanyny tapýar. Çünki Garaşsyzlyk ýyllarynda döredilen berk ykdysady binýat eziz Diýarymyzyň geljekki ösüşleriniň ygtybarly girewidir” diýlip bellenilýär.
«TürkmenGazet».
