Şu gün – 17-nji sentýabrda hormatly Prezidentimiz Serdar Berdimuhamedow Merkezi Aziýa döwletleriniň Baştutanlarynyň we Germaniýa Federatiw Respublikasynyň Federal Kansleriniň ikinji duşuşygyna gatnaşmak üçin iş sapary bilen Astana şäherine geldi. Bu barada «Türkmenistan» gazetiniň internet sahypasynda habar berilýär.
Turuwbaşdan diňe soňky iki ýylda Astanada, Sianda, Jiddada, Çolpon-Atada, Nýu-Ýorkda, Berlinde ýokary derejeli altytaraplaýyn gepleşikleriň geçirilendigini nygtamak gerek.
Geçen ýylyň sentýabrynda sebit döwletleriniň Baştutanlarynyň Berlinde Federal Kansler Olaf Şols bilen geçirilen birinji duşuşygynda Germaniýanyň we Merkezi Aziýanyň arasynda strategik hyzmatdaşlyk ýola goýlup, munuň özi ykdysadyýet, energetika, tebigy serişdeler, sebitleýin hyzmatdaşlyk, howa we daşky gurşaw babatda gatnaşyklary has-da çuňlaşdyrmaga ýardam edýär.
«TürkmenGazet».
