Pixar studiýasy «Super maşgala» multfilminiň üçünji bölümini surata düşürmäge başlandygyny habar berdi. Multfilmiň dowamynyň üstünde filmiň ilkinji iki bölümini surata düşüren ssenarist we režissýor Bred Býord işlär.
«Super maşgala» Pixar Animation Studios tarapyndan döredilen iki animasion multfilme esaslanýan mediafranşizadyr. Onuň aktýorlar düzümine Kreýg T.Nelson, Holli Hanter, Sara Wauell we Semýuel L.Jekson girýär. Multfilm 2004-nji ýylyň noýabrynda ilkinji gezek ekrana çykyp, iň gowy doly metražly animasion film hökmünde Oskar baýragyna mynasyp bolýar.
Ikinji bölüm 2018-nji ýylyň iýunynda tomaşaçylara hödürlenýär. Iki bölüm dünýäde jemi 1,87 milliard dollar girdeji gazanmagy başarypdyr.
«TürkmenGazet».
