Ýaňy-ýakynda dünýäniň iň garry adamlarynyň biri doglan gününi belläp geçdi. Onuň ady Jon Tinniswood bolup 1912-nji ýylyň 26-njy awgustynda Angliýanyň Liwerpul şäherinde dogulýar.
Jon 112 ýaşyny Ginnesiň rekordlar kitabyna girmegi bilen belledi. Ginnesiň işgärleri bilen söhbetdeşlikde Tinniswood näme üçin beýle uzak ýaşaýandygyny bilmeýändigini aýdypdyr. Ol Liwerpulyň muşdagy bolup, häzirki wagtda garrylar öýünde galýar. Aprel aýynda 114 ýaşly Huan Wisente Perez Moranyň aradan çykmagy bilen Jon Tinniswood dünýäniň iň garry adamy boldy. Ýaşlygynda gaty işjeň bolup, dünýä köp syýahat edipdir. Hatda ol şeýle diýýär: «Uzak ýa-da gysga ömür ýaşap bilersiňiz, bu hakda edilmeli köp zat ýok». «Titanik» gämisiniň gark bolan ýylynda dünýä inen Tinniswood, 112 ýaşyna kän bir ähmiýet bermeýändigini nygtap: «Näme üçin beýle uzak ýaşandygym barada hiç bir pikirim ýok. Aýratyn bir syry ýa-da başga zady barmy bilemok. Özümi başga adam hasaplamok» diýýär.
Tinniswood iň gowy görýän topary bolan «Liwerpul» döredilenden 20 ýyl soň dünýä inýär. Klubuň şu wagta çenli gazanan 66 kubogynyň ikisinden başga ählisini görüp gelýär. Diňe 1901-nji we 1906-njy ýyllarda liganyň çempionatlaryna tomaşa edip bilmedi. Birinji jahan urşy başlanda iki ýaşynda bolan Tinniswood, Ikinji jahan urşy başlanda bolsa 27 ýaşyny belläpdir.
Nurmuhammet HUDAÝKULOW,
S.A.Nyýazow adyndaky Türkmen oba hojalyk uniwersitetiniň Agroekologiýa fakultetiniň 3-nji ýyl talyby.
