Saud Arabystanynyň «An-Nassr» klubunyň oýunçysy Kriştianu Ronaldu «YouTube»-da rekordlaryň birnäçesini täzelemek üçin birnäçe sagat sarp etdi.
Portugaliýaly futbolçy diňe bir futbol meýdanynda däl, eýsem, internet äleminde hem rekordlaryny dowam edýär.
- Iki sagadyň içinde Ronaldunyň kanaly 2006-njy ýylda döredilen Lionel Messiniň kanalyndan köp abunaçy toplady;
- Portugaliýaly futbolçy 22 minutda 100 müň abunaça eýe boldy (ozalky rekord Sidemen toparyna degişli. Olar bu netijäni 55 minutda gazanypdylar);
- Kanal 90 minutda 1 million abunaça ýetdi;
- Kanal 12 sagadyň içinde 10 million abunaça eýe boldy (ozalky rekord — 132 gün);
- Kriştianu Ronaldu 20 million abunaça iň tez ýeten adam boldy. Munuň üçin oňa bir günden köpräk wagt gerek boldy (ozalky rekord — iki ýyl).
Häzirki wagtda Ronaldunyň «YouTube»-däki abunaçylarynyň sany 32 milliondan geçdi. Ol bu görkeziji bilen hatda FIFA-nyň resmi kanalyndan hem öňe geçdi.
«TürkmenGazet».
