«Kids Ekspo: ähli zat çagalar üçin» atly halkara sergi-ýarmarkasynyň üçünji gününde – 21-nji awgustda «Ynamdar» onlaýn marketiniň guramagynda çagalaryň emedeklemek boýunça ýaryşy geçirildi.
Ýaňy bir ýaşyny dolduran Aşyrmuhammet atly aşgabatly oglanjyk öz erjelligini görkezip, ýaryşda deň-duşlaryndan tapawutlanyp, 1-nji orna mynasyp boldy. Onuň ejesi — Aşgabat şäheriniň ýaşaýjysy Aýjemal Söýegowa «Türkmenistan» gazetinde beren interwýusynda bu ýaryşyň tutuş maşgalasy üçin aýratyn ýatdan çykmajak waka öwrülendigini belleýär.
«TürkmenGazet».
