Çagalaryň egin-eşikleriniň açyk reňkleri, özboluşly ýazgylary hem-de döwrebap bezegleri bilen täsir galdyrýar. 
«Goç ýigit» nyşanly milli öwüşginlere baý, oglanlar üçin niýetlenen moda egin-eşikleriniň toplumy tomaşaçylary haýran galdyrdy. 
Ýaş ýigitleriň egin-eşiklerinde milli nagyşlar ulanylyp, tikinler bilen bezelipdir. 
«Jadyly perişdeler» atly toplumda körpeje gyzjagazlara niýetlenen ajaýyp köýnekler hem-de ýeňsiz eşikler bar. 
Körpejeler üçin reňk öwüşginleri boýunça sazlaşýan jübütleýin lybaslar köp çagaly ene-atalarda uly seslenme döretdi. 
Ýumşak we ýeňil matalardan taýýarlanylan dürli öwüşginli köýnekler her bir körpeje gyzjagazyň arzuwydyr. 
Görkezilen toplumlardaky birnäçe egin-eşikleri «Kids Ekspo: ähli zat çagalar üçin» atly halkara sergi-ýarmarkasynyň meýdançasynda satyn alyp bolýar. 
Meýdançada dynç alyş we sport üçin niýetlenilen çagalar egin-eşikleri görkezildi. 
«TürkmenGazet».
