Türkmenistanyň futbol boýunça kubogynyň 33-nji möwsümi Aşgabatda we Balkanabatda üç sany çärýek final oýny bilen başlandy.
Bu ýyl ähmiýeti boýunça ikinji topar baýragy ugrunda ýokary liganyň 8 topary bäsleşýär. Olaryň üçüsi: «Altyn asyr», «Aşgabat» we «Köpetdag» toparlary paýtagta, «Nebitçi» topary Balkanabada, «Şagadam» topary Türkmenbaşa, ikisi hem Balkan welaýatyna, «Merw» topary Mary welaýatyna, «Ahal» topary Ahal welaýatyna, Türkmenistanyň häzirki çempiony we kubogynyň eýesi «Arkadag» futbol topary bolsa döwlet ähmiýetli adybir şähere degişli.
2024-nji ýyl Türkmenistanyň kubogynyň ilkinji pökgüsi Aşgabadyň Büzmeýin etrabynda ýerleşýän «Sport toplumy» stadionynda derwezä girizildi, şonda paýtagtyň «Altyn asyr» topary Marynyň «Merw» toparyny kabul etdi.
«TürkmenGazet».
